最新文章
太子搵食！热辣辣蟹黄锅、浓郁蟹黄拉麵、$68原板海胆丼 DI
浏览量：798 发布于：2020-06-30
(Presented by魂烧，居食屋)
店内舖面唔算大，醒目嘅我一早book咗枱。 
仲有楼上位㗎！ 
蟹黄下面係暖笠笠嘅白饭，升级版蟹黄饭！ 
蟹黄每日由师傅亲手拆肉，够晒新鲜。 
师傅煮嘅时候阵香味涌出嚟，望住眼前冒烟又金黄色嘅蟹黄锅，未食都流晒口水。 
蟹黄拉麵麵质爽滑不会过腍，配埋汤底同劲足料嘅蟹黄、蟹肉，好正！ 
未必日日有得食，book枱记得讲埋留货啊。 
香辣酱每日由师傅手抄两小时而成，用指天椒、大红椒、乾天椒等8至9款香料製成，够晒刺激！
天气一冻，我宣布：食蟹嘅季节正式开始！但好似我咁识食又懒嘅人，梗係食蟹嘅精华—蟹黄啦，贪佢啖啖都咁鲜味。今次就带大家去到太子一间小店搵食，食物选择够晒丰富，除咗有秘製热辣辣蟹黄锅、浓郁蟹黄拉麵，仲有$68原板海胆丼，即睇以下试食报告啦！
太子小店 居酒屋格局食蟹黄名物！
位于太子嘅魂烧，居食屋，店面唔算大，但係成间舖头都充满日式居酒屋嘅感觉，而且开到凌晨2点，啱晒夜猫。店内提供嘅食物选择丰富，有锅物、丼饭、拉麵、烧物、大阪烧等等，最出名肯定係期间限定、非常足料嘅蟹黄系列，其中嘅黄金蟹黄锅简直令我一试惊豔！
4大必试热门推介！蟹黄锅、特製拉麵、原板海胆丼！
足150克蟹膏！蟹黄锅 $168
冬天一定要试！成个锅有足150至180克蟹膏，最幸福嘅係师傅加咗蛋黄，鹹香味衬托起成蟹黄嘅鲜甜，超浓郁！而且热辣辣上枱，配饭食一流！每日供应量有限，想食记得book定先。
蟹黄拉麵 $138
汤底係由自家製、每日熬成10个钟嘅猪骨汤，再加蟹黄製成，汤底味道清甜带鹹鲜味，加埋丝丝的蟹肉，好rich。
原板海胆丼 $68
原板海胆上枱，够晒霸气！捞埋日本生鸡蛋一齐食，劲满足呀！
地狱海鲜拉麵 $108
呢碗地狱海鲜拉麵除咗有三文鱼、帆立贝、蟹棒做配菜，主角就係加咗特製香辣酱嘅汤底。辣酱由师傅四处寻访搵材料、研发超过三个月而成，食落辣而不呛，唔怕地狱辣嘅你，快啲嚟挑战下！
特别推介！皇牌午市定食！
之前呢间小店只开晚市，但原来而家已经有开午市啦！喺太子返工嘅你有福了！
沖绳咖喱定食 $68
沖绳秘製咖喱汁由三款咖哩调配而成，味道微辣偏甜，味道十分有层次，配以日本黑毛猪扒，内脆外嫩。
网烧牛扒定食 $72
其中呢个网烧牛扒定食係我私心推介嘅好物，牛扒烧得劲香，但里面仲係劲juicy，值得一试。
店舖资料
魂烧，居食屋
地址：太子太子道西106号地下D舖
电话：3702 1663 / 6360 5448
营业时间：12noon-3pm、6pm-2am